आता तुझ्याकडे काहीच मागणे नाही – मराठी कविता (Marathi Kavita)

कवीयत्री – स्मिता कढे (Marathi Kavita)

नवमास सोसूनी भार, दाविलीस सृष्टी तु माते,
साहुनी बहुत सायास, वाढविलेस बहू कवतुके,
थोर तुझे उपकार आई,
आता तुझ्याकडे काहीच मागणे नाही ।।

होताच फुल कळीचे, नव तारुण्य फुलले,
रंगीत सहजीवनाचे, लोचनी स्वप्न आले,
चालता तुज सवे नाथा, किती सौख्य भोगले,
दु,खचे क्षणही हसत झेलले, तृप्तता क्षणाची त्या,
जीवनी भरून राही,
आता तुझ्याकडे काहीच मागणे नाही ।।

बहरताच् वेलीवर, फुल उमलले,
मातृत्वाच्या चहुलीने, पूर्णत्वा आले,
सुखावले मन माझे,
ऐकून शब्द, “आई”,
आता तुझ्याकडे काहीच मागणे नाही ।।

तरीही आस तुझी मनी वसे,
ध्यास तुझा नित्य असे,
तुजवीण अन्य न सुचे काही,
अन,
आगा घडलेची नवल!
द्वैतामधून सहजची, मन हे अद्वैत ते पाही,
आता तुझ्याकडे काहीच मागणे नाही ।।

कवीयत्री: स्मिता श्रीहरी कढे

चित्रकार: नितु सावंत

---

---

अजून कविता वाचा:

हिरण्यगर्भाचे अष्टप्रधान मंडळ – कवियत्री: यशश्री शैलेश पाटील

सूर्य – कवीयत्री – सौ. अंजली माधव देशपांडे

कवीयत्रींचे इतर लेख वाचा:

माझी नर्मदा परिक्रमा-भाग १ ला – लेखिका – स्मिता कढे

माझी नर्मदा परिक्रमा-भाग २ रा – लेखिका – स्मिता कढे

माझी नर्मदा परिक्रमा-भाग ३ रा – लेखिका – स्मिता कढे

आमचे इतर लेख:

बालभारतीच्या कवितेची गाणी – भाग १ ते ७

---